Fjölbreytt námsmat og tækifæri til náms : viðhorf kennara til fjölbreytts námsmats og jafnra tækifæra til náms

Abstract

Það er mikilvægt sem grunnskólakennari með ábyrgð á fjölbreyttum nemendahóp að vera meðvitaður um að nemendur nýti sér ólíkar leiðir í námi. Til þess að námsmat verði sanngjarnt og ekki til aðgreiningar fyrir nemendur þarf kennari að hafa færni í að meta ólíkahæfni þeirra til náms. Að fá námshæfni sína metna til náms, óháð leiðum í námi, hjálpar nemanda að hafa trú á sjálfum sér sem námsmanni. Einnig getur það aukið líkur á að nemandi verði meðvitaðri um hvernig hann getur nýtt hæfni sína til að bæta sig í námi. Markmið rannsóknarinnar er að draga fram hvort kennarar nái að nýta sér fjölbreyttar matsaðferðir til þess að jafna tækifæri nemenda með ólíka hæfni til náms. Til þess að ná fram viðhorfum kennara á yngsta stigi grunnskóla var rafrænn spurningalisti notaður til gagnaöflunar. Upplýsingar úr spurningalistanum voru túlkaðar af rannsakanda og tíðni svaraborin saman með áherslu á að svara rannsóknarspurningunni. Til þess að lýsa þeim áhrifum sem fjölbreyttar matsaðferðir hafa á tækifæri nemenda til náms er stuðst við viðhorfkennara á því hvernig þeim tekst að nýta fjölbreyttar aðferðir til að virkja nemendur til að taka virkan þátt í námi og vera meðvitaðir um hvernig þeir geti bætt sig sem námsmenn. Kannað var hvort munur væri á tækifærum nemenda miðað við áherslurnar sem kennarar höfðu við vinnu námsmatsins. Niðurstöður staðfesta fyrri rannsóknir sem greina frá því að vænlegast fyrir kennslu er að gæta jafnvægis milli matsaðferða. Til þess að gera frekari skil á áhrifum fjölbreyttra matsaðferða á tækifæri nemenda til náms verður líka fjallað um hvernig áhersla við námsmat getur haft áhrif á val kennsluaðferða og nýtingu sveigjanlegrakennsluhátta. Niðurstöður sýna að áhersla í námsmati hefur áhrif á hlutfall skriflegra verkefna í kennslu. Þar kemur í ljós að þar sem áhersla er á einhæft námsmat eru kröfur um einhæfa kennslu sérstaklega ef gæta á að réttmæti námsmatsins. Til þess að gæta að réttmæti fjölbreytts námsmats er ígrundun milli samstarfsfélaga um matsaðferðir og niðurstöður mikilvæg. Niðurstöður rannsóknarinnar greina frá því að óháð áherslu í námsmatsvinnu eða hvort kennarar vinna í bekkjar- eða teymiskennslu, fá þeir ekki nægan tíma til þess að ígrunda eða hafa faglegar samræður um matsaðferðir að þeirra mati. Mikilvægar niðurstöður fyrir rannsóknina komu í ljós þegar meirihluti 64% þátttakenda sagðist vilja fá meiri stuðning við innleiðingu fjölbreyttra matsaðferða. Meirihlutiþátttakanda var líka tilbúinn til að nýta sér fjölbreyttari kennslu- og matsaðferðir en þeir gera nú þegar. Þessi vilji kennara er í samhengi við jákvætt viðhorf þeirra til fjölbreytni í kennslufræðum. Viðhorf kennara eru mikilvæg því að þeir bera faglega ábyrgð á því að nýta þær leiðir í kennslu sem vænlegastar eru til árangurs. Niðurstöðurnar sýna líka að mikill meirihluti þátttakenda var sammála um að fjölbreyttar kennslu- og matsaðferðir jafni tækifæri til náms.

As a primary school teacher with responsibility for a diverse group of students, it is important to be aware that students use different ways of learning. For the assessment to be fair and not discriminatory for the students, the teacher must have the skills to assess and account for their different abilities to learn. The aim of this study is to highlight whether teachers can use diverse assessment methods to equalize the opportunities of students with different learning abilities.To obtain the perspective of teachers at the youngest level of elementary school there was a questionnaire made by researcher used for measurement. The questionnaire was sent by email to participants and was the main data collection for this research. Information from the questionnaire was then interpreted by the researcher and the answers to the questions were compared to answer the research question. The results show that a majority 64% of the participants said they would like more support in implementing diverse assessment methods. Most participants were also ready to use more diverse teaching and assessment methods than they already do. This willingness of teachers is illustrative of the success of diverse methods because teachers are supposed to use the methods that are most promising for success. The effectiveness of diverse methods is also shown when most of the participants agreed that diverse teaching and assessment methods provide equal opportunities for learning. These results were not different between the focus of the assessment.