„Þotuliðið“ á Íslandi : kostir og gallar aukins fjölda ferðamanna sem til landsins koma með einkaþotum

Abstract

Flugsamgöngur landa á milli eru daglegt brauð og í hinum vestræna heimi er talsvert um ferðalög fólks. Flestir komast leiðar sinnar með almennu áætlunarflugi, en oftar en ekki styðjast þeir efnameiri við einkaþotur af ýmsum stærðum og gerðum. Nýverið hefur komið til umræðu hvort slíkur ferðamáti henti þeim tímum sem við lifum á; tímum loftslagsbreytinga og þess háttar. Rannsóknarritgerð þessi hafði það að markmiði að greina alla þá kosti og galla sem tengjast starfsemi og móttöku einkaþotuferðamanna hér á landi. Hálf-opin viðtöl urðu fyrir valinu sem rannsóknaraðferð, en einnig var stuðst við fræðilegar heimildir og töluleg gögn, meðal annars frá Hagstofu Íslands og Isavia. Greining leiddi í ljós að þættir sem máli skipta í umræðunni um einkaþotuferðamennsku eru meðal annars fjárhagslegur ávinningur, umhverfisáhrif, ímynd einkaþotna, tækniþróun, sköpun starfa og fleiri til. Það var þannig niðurstaða rannsakanda að fjárhagslegur ávinningur, sköpun starfa og tækniþróun væru einna stærstu kostir við komu þessara ferðamanna til landsins. Þá fólust gallarnir einna helst í neikvæðum umhverfisáhrifum, hávaða og almennu ónæði og neikvæðri ímynd einkaþotna. Tækifæri eru til staðar til að skapa betri sátt um slíka starfsemi og gera hana sjálfbærari, en mikilvægt er að opna umræðuna, hafa hana málefnalega og framkvæma að vel ígrunduðu máli.

Air transport across countries and oceans is a big part of modern society, and in the Western world people tend to travel a lot. Most travel between countries using regular airlines, but often enough the highest classes travel on private jets of various sizes and shapes. Recently public discussion has turned towards whether or not that mode of transport is appropriate in this day and age; the age of climate change and the like. This research paper had the objective to analyze all the pros and cons related to the operation and reception of private jet tourists in Iceland. Semi-structured interviews were the chosen type of research method, along with academic sources and statistical data from, among others, Statistics Iceland and Isavia. Analysis revealed that factors that contribute in the discussion about private jet tourism are economic benefit, environmental impact, private jet image, technological advancements, job creation and more. The conclusion of the researcher was that the greatest pros of private jet tourism are economic benefit, job creation and technological advancements. The greatest cons however are the environmental impact, noise and general disturbance and the negative image of private jets. Opportunities can be identified in order to create a more sustainable operation. In order for that to happen the dialogue needs to be more open and solution minded, in addition to actions being taken after being well thought out.