Bætur vegna handtöku á grundvelli 246. gr. laga um meðferð sakamála

Abstract

Í þessari ritgerð er fjallað sérstaklega um rétt einstaklinga til skaðabóta vegna handtöku sem beitt hefur verið í þágu meðferðar sakamáls. Fjallað er um heimildir lögreglu til beitingar þvingunarráðstafana almennt og einkenni þeirra. Gerð er grein fyrir heimildum lögreglu, og annarra handhafa ákæruvalds, til beitingar handtöku sérstaklega og einkenni hennar sem þvingunarráðstöfunar. Einnig er farið yfir þau sjónarmið sem almennt gilda um skaðabótaábyrgð ríkisins og þær skaðabótareglur sem heimilt er að reisa bótakröfur sínar á er varða meðferð sakamála. Fjallað er um þau skilyrði sem ákvæði 246. gr. sml. setur um bótarétt vegna þvingunarráðstafana og hvernig slíkum bótakröfum skuli haldið fram. Einnig er gerð grein fyrir þeim sjónarmiðum sem lögð eru til grundvallar við ákvörðun bótafjárhæðar í slíkum málum.