is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/43516

Titill: 
  • Hver er réttur kaupanda til að krefjast skaðabóta í fasteignakaupum þegar seljandi vanrækir upplýsingaskyldu sína?
Námsstig: 
  • Bakkalár
Útdráttur: 
  • Í þessari ritgerð er gert grein fyrir því hvað felst í upplýsingaskyldu seljanda sem og í aðgæsluskyldu kaupanda við fasteignakaup. Þá er sérstaklega gerð grein fyrir hver réttur kaupanda er til þess að krefja seljanda um skaðabætur þegar seljandi vanrækir upplýsingaskyldu sína í fasteignakaupum. Í upphaf ritgerðarinnar verður farið í hvernig hugtakið galli er skilgreint í fasteignakaupum og í lögum nr. 40/2002 um fasteignakaup og sérstaklega litið til 18. og 19. gr. fkpl. í þeim efnum.
    Í þriðja kafla er skoðað hvað felst í aðgæsluskyldu kaupanda. Í upphafi kaflans er gerð grein fyrir hvað felst almennt í aðgæsluskyldu kaupanda. Síðar er skoðað ákvæði fasteignakaupalaga sem kveður á um aðgæsluskyldu kaupanda. Ákvæðinu er skipt upp í þrjú tilvik þar sem skýrður er hver málsliður fyrir sig og í hvað honum felst. Í lok kaflans er farið í norskan rétt og hann borinn saman við íslenskan.
    Í fjórða kafla er vikið að upplýsingaskyldu seljanda og skoðað hvað í henni felst og hvaða skyldur eru lagðar á seljenda fasteignar. Í upphafi kaflans er vikið að upplýsingaskyldu seljanda fyrir gildistöku fasteignakaupalaganna sem tóku gildi 1. júní 2002. Næst er fjallað almennt um upplýsingaskyldu eftir gildistöku laganna, þ.e.a.s. eins og þau eru nú. Síðan er fjallað um skort á upplýsingum samkvæmt 26. gr. fkpl. Er þar einnig litið til þess hvaða áhrif það hefur ef seljandi fasteignar hefur ekki búið í fasteigninni og loks er litið til norsks réttar. Þá er farið í rangar upplýsingar samkvæmt 27. gr. fkpl. Loks er kannað réttarástandið þegar fasteign er seld með fyrirvara um ástand hennar.
    Í fimmta kafla er farið í skörun á upplýsingaskyldu og aðgæsluskyldu og þar er einnig skoðað 3. mgr. 29. gr. fkpl. Jafnframt er skoðuð norsk dómaframkvæmd í þeim efnum.
    Sjötti kafli ritgerðarinnar fjallar um skaðabætur vegna vanræktrar upplýsingaskyldu. Í upphafi kaflans er almenn umfjöllun um skaðabætur og hvernig þær tengjast fasteignakaupum. Næst verður farið í muninn á beinu og óbeinu tjóni og hvað felst í hvoru tveggja. Síðan er umfjöllun um mismunandi skaðabótareglur sem gilda og verður vikið að hvorri þeirra fyrir sig, þ.e.a.s. stjórnunarábyrgð og sakarreglunni. Loks verður farið yfir það þegar galli verður sökum saknæmri háttsemi seljanda, sbr. 2. mgr. 43. gr. fkpl. sem og norskan rétt í tilviki vanræktrar upplýsingaskyldu. Í lokin verða svo reifaðir lykildómar sem lúta að skaðabótum sökum vanræktrar skaðabótaskyldu.

Samþykkt: 
  • 14.4.2023
URI: 
  • http://hdl.handle.net/1946/43516


Skrár
Skráarnafn Stærð AðgangurLýsingSkráartegund 
Ritgerð Lokaskil- Auður Ragnarsdóttir.pdf208.78 kBLokaður til...20.09.2033HeildartextiPDF
Skemma-Auður Ragnarsdóttir.pdf503.4 kBLokaðurYfirlýsingPDF