Áhorfendur á handboltaleikjum

Abstract

Viðfangsefni ritgerðarinnar er mæting á handboltaleiki á Íslandi. Tilgangurinn er að komast að því hvernig handboltafélög geta fjölgað áhorfendum á leikina hjá sér. Byrjað var að skoða þau gögn sem að Handknattleikssamband Íslands átti til á heimasíðu sinni. Gögnin hefðu mátt gefa haldbetri upplýsingar um fjölda áhorfenda á leiki. Til að hægt væri að fá niðurstöður í ritgerðina var gerð könnun sem var lögð fyrir yfir 500 einstaklinga. Spurningalistar voru lagðir fyrir rafrænt. Niðurstöðurnar eru þær að fjölskyldufólk eða aldurinn 36 til 50 ára er markhópurinn sem auðveldast er að ná til í gegnum samfélagsmiðla og þarf að huga að þeim með því að viðburðurinn sé skipulagður og hannaður fyrir fjölskyldufólk. Yngri flokkar félagsins er sá hópur sem félögin hafa mesta aðgengi að, nota þarf iðkendur til þess að ná foreldrum á leiki með frímiðum og öðrum hvötum.