Konur og ADHD : Áskoranir og jákvæðir eiginleikar ADHD

Abstract

Eftirfarandi heimildarritgerð er lokaverkefni til BA gráðu í félagsráðgjöf við Háskóla Íslands. Markmið ritgerðarinnar er þríþætt, að skoða áskoranir kvenna með ADHD í námi og starfi og kanna jákvæða eiginleika ADHD. Skortur er á rannsóknum á konum með ADHD í námi eða starfi og sérstaklega þeim sem hafa náð árangri á þeim sviðum. Náms og starfsþættir hafa áhrif á hvorn annan með beinum og óbeinum hætti. Konur með ADHD greinast oft á fullorðinsaldri eða eru ranglega greindar vegna margvíslegra þátta eins og skorts á þekkingu eða vegna þess að einkenni þeirra eru mismunandi. Það stuðlar að aukinni vanlíðan og skerðingu á færni hjá þeim konum sem getur haft áhrif á árangur þeirra í námi og starfi. Markmið ritgerðarinnr er einnig að kortleggja jákvæða eiginleika ADHD, nokkrar rannsóknir benda á mögulega jákvæða eiginleika sem einstaklingar með ADHD búa yfir en enn er þörf á frekari rannsóknum á viðfangsefninu.