Fjölbreytileiki þungunarmissis: Áhrif samfélagsins á upplifanir einstaklinga út frá mannfræðilegu sjónarhorni

Abstract

Þessi ritgerð skoðar samfélagslega afstöðu til þungunarmissis í mismunandi samfélögum og leitast eftir að setja upplifunina í samfélagslegt samhengi. Þar sem lítið er til af mannfræðilegu efni um þungunarmissi verður áhersla lögð á að skoða upplifanir einstaklinga og það litla sem er til um rannsóknir og athafnir sem tengjast þungunarmissi er skoðað með aðrar kenningar úr mannfræði í huga. Skoðaður er skilgreiningarvandi þungunarmissis, orðanotkun í kring um missi og hvaða áhrif það getur haft á upplifun og aðgengi einstaklinga að læknisþjónustu. Tækni og heilbrigðisstarfsmenn hafa gífurleg áhrif á upplifun einstaklinga sem koma fyrir í ritgerðinni og er það notað til að leggja grunn að rökstyðja niðurstöðurnar um að nauðsynlegt sé að skoða þungunarmissi betur með upplifanir og þarfir einstaklinganna í fyrirrúmi.