,, Þú átt eftir að bíta úr nálinni". Um líkvökur í gamla bændasamfélaginu

Abstract

Í þessari ritgerð er ætlunin að rannsaka líkvökur í gamla íslenska bændasamfélaginu út frá þjóðsagnasöfnum. Í hvaða tilgangi þær voru haldnar og hvað það segir okkur um gamla íslenska bændasamfélagið. Rannsakað verður af hverju þessar sagnir voru sagðar, hvernig líkið rýmaðist í samfélaginu og hvort almenningsálit hafi áhrif á hvernig sá látni birtist í sögnunum. Í þessum þjóðsögum birtist hinn látni sem afturganga og því verða sagnirnar metnar út frá samfélagshugmyndum gamla bændasamfélagsins um afturgöngur og opna líkamann. Einnig er hægt að greina í þessum sögnum ótta við kviksetningu ef lesið er á milli línanna. Notast verður við fimm þjóðsagnasöfn og þrjú viðtöl í ritgerðinni.