"Bókasöfn geta verið allt" : Staða almenningsbókasafna á landsbyggðinni

Abstract

Markmiðið rannsóknarinnar er að varpa ljósi á stöðu almenningsbókasafna á landsbyggðinni með því að fá innsýn í viðhorf starfsfólks bókasafna til starfseminnar, þróunar hennar og framtíðarsýnar. Þá er áhugavert að sjá hvort þróunin á höfuðborgarsvæðinu frá bókasöfnum í menningarhús hafi einnig orðið úti á landi. Um er að ræða eigindlega rannsókn sem byggir á viðtölum við sex starfsmenn almenningsbókasafna á landsbyggðinni. Helstu niðurstöður benda til þess að staðaalmenningsbókasafna á landsbyggðinni sé misjöfn. Það sem virðist hafa mest áhrif á stöðu safnanna er hversu mikinn stuðning þau fá frá bæjarstjórnendum og hversu góða aðstöðu þau hafa. Fram kom að á þeim stöðum þar sem stuðningur frá bæjarstjórn er lítill semenginn eru söfnin í of litlu húsnæði. Aðstaða þessara safna kemur í veg fyrir að hægt sé að bjóða upp á þá þjónustu sem fylgir breyttu hlutverki bókasafna. Misjafnt var hver viðmælendum fannst staða safnanna vera í samfélaginu en allir voru þeir sammála um að gott húsnæði skipti miklu máli fyrir starfsemi bókasafna.