Kínversk valdbeiting á Taívan: Hvernig hefur mjúkt og hart vald Kína staðið í vegi fyrir framgangi fullveldis í Taívan?

Abstract

Markmið ritgerðarinnar var að útskýra hvernig beiting á mjúku og hörðu valdi Kína hefur staðið í veg fyrir framgang fullveldis í Taívan. Stuðst var við valdakenningar til að hjálpa til við greiningu viðfangsefnisins. Gerð var grein fyrir sögu Taívan er það tilheyrði Lýðveldinu Kína, Japan og síðar Alþýðuveldinu Kína. Farið var yfir hvernig Alþýðuveldið Kína, sem einnig nefnist Kína, og Taívan þróuðust í ólíkar áttir á sviðum stjórnmála, félagsmála, og efnahags. Tekið var til skoðunar hvernig geta kínverskra stjórnvalda til að beita hörðu og mjúku valdi hefur aukist eftir að ríkið varð að rísandi valdi. Gerð var grein fyrir þeim aðföngum og aðgerðum sem kínversk stjórnvöld hafa beitt með hörðu og mjúku valdi til að hefta framþróun fullveldis Taívan. Niðurstöður benda til að Taívan sé í erfiðari stöðu með að öðlast fullveldi vegna þess að fá ríki viðurkenna fullveldisstöðu þess sem með opinberum hætti. Ástæða þess er að ríkin vilja ekki misbjóða Kína því það gæti haft alvarlegar afleiðingar í för með sér vegna þeirra miklu hernaðar- og efnahagsgetu sem Kína býr yfir.