Þróun greiðslumáta. Form og breytingar gjaldmiðils

Abstract

Greiðsla við kaup á vörum og þjónustu hefur verið mögulegt að framkvæma með fjölbreyttum hætti gegnum tíðina. Á síðustu árum hafa nýjar greiðsluaðferðir haft veruleg áhrif á fjármálakerfi um allan heim. Þessi ritgerð fjallar um sögulega þróun greiðslumáta, hvernig greiðslur hafa breyst frá því að fólk lifði án peninga. Í því samhengi verður talað um vöruskipti sem er grunnur allra viðskipta og skýrir hvernig þau eru undirstaða fyrir þróunina. Af því gefnu verður einnig fjallað um hvernig peningar hafa tekið breytingum í gegnum tíðina. Greiningin nær frá því þegar efnislegir hlutir eins og skeljar voru notaðir sem greiðslumiðlar, yfir í gull- og silfurmyntir, síðar í myntir og seðla sem við þekkjum í dag og þar á eftir í kredit- og debetkort. Rafvæðing greiðslumáta hefur tekið við og haft víðtækar afleiðingar, þar sem hún hefur aukið fljótleika og þægindi greiðslna, en einnig leitt til nýrra vandamála og áskorana. Framfarir í tölvum, netkerfum og fjártækni hafa gert nýsköpun greiðslumáta mögulegar. Meðal annars rafkróna sem er nú til umræðu hjá seðlabönkum heims, gæti verið framtíð greiðslumáta á Íslandi. Ýmis dæmi um rafkrónur verða tekin til skoðunar og metin í ljósi þess hvernig þær gætu mætt þörfum og kröfum framtíðar. Ritgerðin mun þannig veita innsýn í sögulega þróun greiðslumáta og peninga. Einnig verður skoðaðar mögulegar áskoranir og tækifæri sem rafkrónan gæti haft í för með sér. Sífellt þróast nýjar greiðsluaðferðir sem gera greiðslur fljótlegri, þægilegri og öruggari.