Af hverju er ekki hægt að vera samtímis femínisti og kristinn?: Rök Daphne Hampson

Abstract

Ritgerð þessi er lokaverkefni mitt til BA-prófs í guðfræði við HÍ. Ritgerðin fjallar um femíníska guðfræðinginn Daphne Hampson og ástæður þess að hún ákvað að yfirgefa kristna trú árið 1980. Ritgerðin er þannig byggð upp að ég byrja fyrst að skoða hver Daphne Hampson er, hvaðan hún kemur og hvað hún stendur fyrir. Skoða ég siðfræðilegan bakgrunnur hennar, hvaða siðferðilegar og guðfræðilegar hugmyndir hún vinnur með og hvaðan þær koma. Ég kanna á hvaða grunni Hampson byggir þessar femínísku áherslur og einnig mun ég reyna að átta mig á því fyrir hvað femínismi stendur. Ég dreg saman hugmyndir frá öðrum guðfræðingum sem eru á öndverðum meiði við kenningar Hampson. Að lokum mun ég reyna að draga saman þau aðalatriði sem eru einkennandi fyrir Hampson til samanburðar við kenningar og reyna að komast að einhvers konar niðurstöðu. Markmið mitt með þessari ritgerð er að reyna að grandskoða af hverju Hampson telur að ekki sé hægt að vera femínisti og kristinn á sama tíma.