Úr hvaða jarðvegi spruttu sjónvarpsauglýsingakvikmyndir á Íslandi?

Abstract

Saga íslenskra auglýsingakvikmynda hefur lítið veriðrannsökuð ein og sér. Þegar formlegur undirbúningur fyrir íslenskt sjónvarp hófst árið 1964 var strax gert ráð fyrir nokkrum tekjum af auglýsingasölu. Þar með varlagður grunnur að auglýsingakvikmyndagerð á Íslandi.Skoðuð er baksaga sjónvarpsins og reynt að varpa ljósi á hvernig fámenn þjóð á mörkum hins byggilega heims, tókst að gangsetja eigin sjónvarpsstöð. Tilgangur þessarar rannsóknar er að skoða leið íslenskra auglýsingakvikmynda inn í íslenskt sjónvarp.Voru auglýsingakvikmyndir gerðar á Íslandi áður eníslenskt sjónvarp hóf göngu sína og var íslenskkvikmynda- og auglýsingagerð í stakk búin að takast á við sjónvarpsauglýsingakvikmyndagerð? Gerðu stjórnvöldeitthvað til að kynna hinn nýja auglýsingamiðil fyrirauglýsendum eða undirbúa þá sem höfðu með kvikmyndagerðað gera? Niðurstaða rannsóknarinnar leiddi í ljós aðauglýsingakvikmyndir voru gerðar á Íslandi áður eníslenskt sjónvarp varð að veruleika, en í mjög takmörkuðu mæli. Kvikmyndaframleiðsla á Íslandi hefur alltaf liðið fyrir smæð sína þar sem framleiðslan er mjög fjárfrek og því stóð hún erlendri kvikmyndagerð talsvert að baki mest alla tuttugustu öldina. Stjórnvöld gerðu lítið til að styrkja og aðlaga kvikmyndagerðina að nýjum veruleika meðtilkomu sjónvarpsins og má segja að hvorki auglýsendur né kvikmynda- og auglýsingagerð hafi í upphafi veriðundirbúin fyrir að takast á viðsjónvarpsauglýsingakvikmyndir. Leiðbeinandi minn var Rósa Magnúsdóttir, prófessor við sagnfræðideild Háskóla Íslands og vil ég þakka henni fyrir leiðsögnina og góðar ábendingar. Einnig vil ég færa þakkir viðmælendum mínum sem lögðu mér lið og veittu mér áhugaverðar upplýsingar, niðurstöðunum til stuðnings.