Þriggja ása splittiskló

Abstract

Verkefnið fjallar um umbætur á sjálfvirkum búnaði sem notaður er til þess að opna og loka ferjusplittum í vagnlosunarbúnaði skautvinnsluÁlversins í Straumsvík.Hugmyndin af verkefninu kviknaði við viðhaldsstörf höfundar við búnaðinn. Viðhaldskostnaður við núverandi búnað var tekinn saman og greindur ásamt töfum vegna handvirkra inngripa á árinu 2022. Möguleikar á umbótum voru kannaðir og metnir voru kostir og gallar á umbótahugmyndum.Álitlegasti kosturinn var valinn og farið með í hönnunarferli. Nýr sjálfvirkur búnaður var hannaður frá grunni með það í huga að hægt væri að nota hann á öllum fjórum stöðum í skautvinnslunni þar sem ferjusplittum er opnað eða lokað. Útreikningar á kraftaáraunum voru framkvæmdir til þess að tryggja rétt val á íhlutum og efnisþykktum. Að lokum voru önnur stoðkerfi hönnuð m.a. stýriloftskerfi og PLC forrit til þess að tryggja rétta virkni á búnaðnum.