is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/44248

Titill: 
  • Fjársmit loftslagsáhættu hjá íslenskum fjármálafyrirtækjum
Námsstig: 
  • Meistara
Útdráttur: 
  • Hnattræn hlýnun og efnahagsleg áhrif hennar á fjármálafyrirtæki eru sífellt að setja meira
    svip sinn á bæði alþjóðlegan og íslenskan fjármálamarkað. Hugtakið fjársmit hefur hægt
    og rólega öðlast sess á alþjóðlegum vettvangi og markmið rannsóknarinnar var að skoða
    hvort fjársmit loftslagsáhættu gæti haft áhrif á fjármálafyrirtæki á íslenskum
    fjármálamarkaði. Þróað var líkan sem byggir á fræðilegum heimildum um fjársmit sem
    hluta af kerfisáhættu og áhættustýringu með tilliti til loftslagsáhættu.
    Rannsóknin skiptist í tvo hluta þar sem rannsakaður var möguleikinn á áhættukveikju
    með framkvæmd sjálfbærniáhættumats á eignum íslenska viðskiptahagkerfisins eftir
    atvinnugeirum og síðan var rannsakaður möguleikinn á fjársmiti út frá áhættukveikjunni
    með greiningu á þyrpingum fjármálafyrirtækja eftir starfsheimildum og eignastærð
    þeirra. Fyrsti hluti rannsóknarinnar var framkvæmdur með gögnum frá CreditInfo
    byggðum á TCFD sjálfbærniáhættumati þar sem skimað var fyrir áhættu með
    krossgreiningu á SASB flokkunarkerfinu við ÍSAT2008 atvinnugreinakerfið og áhrif
    áhættunnar voru metin með kortlagningu eignastærðar atvinnugeiranna út frá gögnum
    Hagstofunnar.
    Seinni hluti rannsóknarinnar var framkvæmdur með þáttagreiningu á starfsheimildum
    fjármálafyrirtækja út frá hlutverki þeirra í efnahagnum og hvort virði þeirra byggðist á því
    að flytja virði á milli nútíðar og framtíðar, vernda virði með áhættudreifingu eða styðja
    við úthlutun og dreifingu virðis á markaði. Starfsheimildir fyrirtækjanna voru vigtaðar út
    frá eignastærð þeirra og síðan voru smitrásirnar og styrkleikar þeirra kortlagðar út frá
    sameiginlegum starfsheimildum fyrirtækjanna.
    Niðurstöður rannsóknarinnar eru að aðstæður á íslenskum viðskipta- og
    fjármálamarkaði uppfylla skilyrði fyrir myndun fjársmits hjá íslenskum
    fjármálafyrirtækjum vegna undirliggjandi loftslagsáhættu hjá viðskiptahagkerfinu.
    Meirihluti viðskiptahagskerfisins er útsettur fyrir fjölda neikvæðra áhættuflokka vegna
    loftslagsáhættu sem uppfyllir skilyrði fyrir áhættukveikju fjársmits og ójafnar þyrpingar
    fjármálafyrirtækja með missterkum smitrásum sín á milli mynda net sem getur magnað
    upp neikvæð áhrif loftslagsáhættunnar.

Samþykkt: 
  • 15.5.2023
URI: 
  • http://hdl.handle.net/1946/44248


Skrár
Skráarnafn Stærð AðgangurLýsingSkráartegund 
Lokaritgerð_Meistaranám_Fjármál_Fyrirtækja_Eva_Valdís_Jóhönnudóttir_13_05_2023.pdf2.36 MBOpinnHeildartextiPDFSkoða/Opna
Yfirlýsing um meðferð lokaverkefnis - Eva Valdís Jóhönnudóttir.pdf428.79 kBLokaðurYfirlýsingPDF