Þróun Black Friday á Íslandi : hverjir eru í raun og veru að nýta sér tilboð og til hvaða aldurshópa höfða afslættir í nútímasamfélagi?

Abstract

Markmiðið með rannsókn þessari er að kanna þróun Black Friday á Íslandi á undanförnum árum og sömuleiðis að athuga til hvaða neytendahópa tilboðsdagar höfða einna helst. Af því leiðir að rannsóknarspurning ritgerðarinnar er svohljóðandi: Hvernig hefur Black Friday þróast á Íslandi á undanförnum árum? Tilgátur rannsóknarinnar eru fjórar talsins og miða allar að því að rannsaka bakgrunn og kaupmynstur Íslendinga á tilboðsdögum. Eru þeim gerð skil í inngangi ritgerðarinnar. Framkvæmdar voru rannsóknir til að leita svara, annars vegar eigindleg rannsókn og hins vegar megindleg. Sú eigindlega var byggð á hálfopnum viðtölum og spurningalistum og var markmiðið að afla sérfræðiþekkingar reyndra aðila. Megindlega rannsóknin byggði á spurningakönnun sem lögð var fyrir hentugleikaúrtak og voru þátttakendur yfir 300 talsins. Niðurstöður sýndu að stór hluti landsmanna nýtir sér Black Friday og sambærilega tilboðsdaga. Tilboðsdagar í nútímasamfélagi virðast því höfða til allra kynja, aldurs- og tekjuhópa.Lykilhugtök: Black Friday, tilboð, kauphegðun, stafræn þróun, netverslun.