en English is Íslenska

Thesis (Master's)

Bifröst University > Viðskiptadeild > Meistaraverkefni í viðskiptadeild (MS) >

Please use this identifier to cite or link to this item: http://hdl.handle.net/1946/4457

Title: 
  • Title is in Icelandic Forvarnir í heilsugæslu
Degree: 
  • Master's
Abstract: 
  • Abstract is in Icelandic

    Reykingar og áfengisneysla í óhófi er stórt vandamál í nútímasamfélagi sem taka þarf á. Heilbrigðisstarfsfólk á heilsugæslustöðvum er í lykilaðstöðu til að veita ráðgjöf til handa einstaklingum sem reykja eða drekka áfengi í óhófi þar sem margir leita á heilsugæslustöð á ári hverju.
    Tilgangur verkefnisins var að skoða viðhorf starfandi heimilislækna gagnvart því að veita sjúklingum sínum aðstoð við að hætta að reykja eða breyta drykkjuvenjum sínum vegna fræðsluvefs sem Lýðheilsustöð er að gera um stutta íhlutun fyrir heilbrigðisstarfsfólk í heilsugæslu.
    Ástæða verkefnisins var sú að mikilvægt er að taka á þessu stóra vandamáli því reykingar og áfengisneysla í óhófi eru dýrkeypt bæði fyrir einstaklinginn sem og fyrir samfélagið.
    Markmið verkefnisins var að endurtaka rannsókn Helgasonar og Lund frá árinu 2002 varðandi viðhorf lækna og sjá hvort eitthvað hafi breyst.
    Meginniðurstaða fræðilegs lesefnis er að íhlutun á heilsugæslustöðvum vegna reykinga og áfengisnotkunar sé árangursrík og ætti að vera fastur liður í starfsemi þeirra. Samanlögð áhrif íhlutunar eru mikil og árangursrík með tilliti til kostnaðar.
    Rannsóknarhluti verkefnisins fór þannig fram að starfandi heimilislæknum á Íslandi var send netkönnun sem byggði að hluta til á könnun frá árinu 2002 sem Helgason og Lund unnu. Þeirra niðurstaða var að læknar spurðu sjúklinga sína of sjaldan út í reykingar ef þeir eru ekki komnir með reyktengd sjúkdómseinkenni. Heimilislæknar vildu helst vísa sjúklingum sínum í reykleysismeðferð eitthvert annað og báru fyrir sig tímaleysi, þekkingarleysi og að aðstoðin væri ekki erfiðisins virði þar sem svo fáir hættu að reykja þrátt fyrir aðstoð.
    Rannsóknarspurningin var eftirfarandi:
    Hefur orðið breyting í viðhorfi lækna varðandi aðstoð til reykleysis frá því Helgason og Lund lögðu fyrir sína könnun árið 2000?
    Meginniðurstaða verkefnisins er vísbending um ákveðna viðhorfsbreytingu með tilliti til aðstoðar. Þeim finnst í dag aðstoð til reykleysis vera erfiðisins virði, það taki ekki of langan tíma og flestir hafi þekkinguna. Hins vegar hefur ekki orðið viðhorfsbreyting gagnvart því að spyrja sjúklinga sem ekki hafa reyktengd sjúkdómseinkenni hvort þeir reyki.

Accepted: 
  • Feb 25, 2010
URI: 
  • http://hdl.handle.net/1946/4457


Files in This Item:
Filename Size VisibilityDescriptionFormat 
kristin_olafsdottir_fixed.pdf1.17 MBOpenHeildartextiPDFView/Open
kristin1_fixed.pdf126.58 kBOpenViðaukiPDFView/Open
kristin2_fixed.pdf332.9 kBOpenViðaukiPDFView/Open
kristin3_fixed.pdf18.48 kBOpenViðaukiPDFView/Open