Birtingarmynd og saga riðuveiki. Varnir gegn dreifingu hennar á Íslandi, Noregi og Kýpur

Abstract

Landbúnaður er mikilvæg undirstaða sérhvers lands og á ekki einungis hlut í fæðiöryggi og atvinnusköpun en tryggir sömuleiðs búsetu um allt landið og síðast en ekki síst, er mikilvægur hluti af þjóðasálinni. Mörg er búmanns raunin og íslenski landbúnaðurinn hefur í gegnum aldirnar þurft að berjast við bæði náttúruhamfarir og búfjársjúkdóma svo eitthvað sé nefnt. Búfjársjúkdómar hafa lengi vel og enn í dag valdið talsverðu fjárhagslegu tjóni, sauðfjársjúkdómurinn riða er einn af þeim.Aðgerðir hérlendis gegn riðu hefur haldist nokkuð óbreytt síðan á síðustu öld, en nú er kominn ákall á að skoða hvort aðrar aðgerðir samhliða hinni upprunalegu gætu nýst sauðfjárrækt á Íslandi. Í þessari ritgerð skoðaði ég riðu, afbrigði hennar, einkenni afbrigðanna, greiningaraðferðir og þýðingu arfgerða. Farið stuttlega yfir sögu riðu á Íslandi, í Noregi og á Kýpur, þeirra nálgun og árangur gegn riðuveiki skoðaður.