Samanburður á kjúklingafóðri með og án bætiefna

Abstract

Alifuglar fylgdu landnámsmönnum til Íslands og voru afurðir fuglana mikilvægur hluti af fæðu þeirra. Síðar dró mikið úr alifuglarækt hér á landi vegna erfiðra aðstæðna en búgreinin náði sér aftur á strik á 20.öld. Um miðja 20.öld hófst ræktun á holdakjúklingum sem hefur aukist hratt síðan og er alifuglakjöt mest framleidda kjöt á Íslandi í dag. Stærsti kostnaðarliður alifuglaræktar er fóðurkostnaður, sem er sérstaklega hár hérlendis þar sem stór hluti hráefna er innflutt. Í fóðrið eru notuð bætiefni sem eiga að bæta árangur en þau eru dýr. Fóðurbætiefni eiga að bæta árangur alifuglaræktunar á ýmsu vegu með því að bæta vöxt, fóðurnýtingu og draga úr bakteríusmitum, dritbruna og afföllum. Þess vegna er markmið þessarar tilraunar að skoða hvort munur sé á árangri með notkun bætiefna í fóðri eða án.Tilraunin var framkvæmd á Hjalla í Ölfusi þar sem tveir holdakjúklinga hópar voru bornir saman, annar hópurinn fékk fóður með bætiefnunum Poultry Star og Biotronic top 3 (hópur 1) en hinn hópurinn fékk fóður án bætiefna (hópur 2). Samanburður var gerður á dritbruna, fóðurnýtingu, afföllum, vexti/sláturþyngd og bakteríusmitum.Niðurstöðurnar sýndu lítinn mun í afföllum og engin smit komu í hópana. Munur var á vexti þar sem hópur 2 varð að meðaltali þyngri en hópur 1. Fóðurnýting var betri hjá hópi 2. Stærsti munurinn var á dritbruna þar sem hópur 1 var með mun meiri dritbruna heldur en hópur 2. Út frá þessum niðurstöðum er hægt að álykta að fóðurbætiefnin réttlæti ekki kostnað en það eru fleiri þættir sem hafa áhrif á þessa liði og úrtakið í tilrauninni er lítið og þyrfti fleiri endurtekningar til að fá marktæka niðurstöðu.