is Íslenska en English

Lokaverkefni (Bakkalár)

Landbúnaðarháskóli Íslands > Umhverfisdeild (2005-2016) > B.S. verkefni - Umhverfisdeild >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4541

Titill: 
  • Rauðhólafólkvangur, saga, verndun og nýting
Námsstig: 
  • Bakkalár
Útdráttur: 
  • Þessi ritgerð er lokaverkefni til B.S. prófs frá umhverfisskipulagsbraut við Landbúnaðarháskóla
    Íslands. Markmið verkefnisins er að fjalla um sögu, verndun og nýtingu Rauðhólafólkvangs. Auk
    þess að koma með tillögu að aðkomu að Rauðhólasvæðinu þar sem verndargildi og notagildi fara saman. Með ritgerðinni er leitast við að svara því hvernig hægt er að nýta samspil náttúruverndar, nýtingar, sögu og staðhátta á Rauðhólasvæðinu til þess að styrkja það sem svæðið hefur upp á að bjóða, við gerð aðkomu . Unnar voru sjónrænar greiningar/ rýmisgreiningar. Við vinnu á
    greiningum var farið í vettvangsferðir, teknar ljósmyndir og stuðst við loftmyndir. Auk þess
    nýttist persónuleg þekking á svæðinu vel við greiningar. Rauðhólafólkvangur er hluti af stærsta
    útivistarsvæði höfuðborgarinnar og er í norðurjaðri Heiðmerkur. Segja má því að
    Rauðhólasvæðið sé anddyri Heiðmerkur. Helstu niðurstöður umfjöllunar og greining eru þær að
    þrátt fyrir það rask sem að unnið var á Rauðhólunum um miðja 20.öld er svæðið fjölbreytt og
    hefur mikið upplifunar- og útivistargildi. Með aukinni og fjölbreyttari útivistariðkun fólks og
    vegna nálægðar svæðisins við þéttbýlið er mikilvægt að koma á ákveðinni stjórnun umferðar
    innan þess til þess að verndargildi og notagildi Rauðhólafólkvangs fari sem best saman. Með
    aðgengilegri og bættri aðkomu að Rauðhólunum er ekki einungis verið að hlífa því fyrir
    átroðningi, heldur er akandi, gangandi og ríðandi umferð stýrt svo að náttúruminjar, gróðurfar
    og gestir fái best notið sín. Með bættri aðkomu eru njótendur upplýstari um staðhætti og sögu
    sem eykur útivistargildi og öryggi njótenda við útivistariðkun. Með fræðslu er hægt að auka
    virðingu gesta fyrir svæðinu, sem í kjölfarið getur leitt til betri umgengni.

Samþykkt: 
  • 16.3.2010
URI: 
  • http://hdl.handle.net/1946/4541


Skrár
Skráarnafn Stærð AðgangurLýsingSkráartegund 
BS Lena Rut Kristjánsdóttir_samsett.pdf4.98 MBOpinnMeginmál lokaverkefnis - RauðhólafólkvangurPDFSkoða/Opna
greining_1.pdf24.16 MBOpinnRauðhólafólkvangur -Greining 1 PDFSkoða/Opna
greining_2.pdf28.66 MBOpinnRauðhólafólkvangur - Greining 2PDFSkoða/Opna