Alþjóðlegt tungumál mótmæla : hvernig pönktónlist hefur verið notuð í mótmælaskyni víða um heiminn

Abstract

Í þessari ritgerð verður farið yfir hvernig pönktónlist hefur verið notuð í mótmælaskyni. Þetta verður gert með því að líta á fjórar mismunandi pönksenur: Bretland á 8. áratugnum, Austur-Berlín á 9. áratugnum, Bandaríkin á 10. áratugnum og Rússland frá og með 2012. Til þess að skoða hvernig samfélagið hafði áhrif á pönkið verða samfélagslegar aðstæður í kringum hverja senu skoðaðar og síðan borið saman við lagatexta til þess að kanna tengslin þar á milli. Helstu niðurstöður ritgerðarinnar eru þær að í Bretlandi og Bandaríkjunum var aðal áhersla lögð á almennt jafnrétti og réttindabaráttu kynja, en í Austur-Berlín og Rússlandi var lögð áhersla á almenn mannréttindi og frelsi. Ástæðan fyrir því að þetta voru áherslumálin er sú að þetta voru þau mál sem þótti ábótavant á þeim tíma og því er hægt að sjá hvernig lagatextar í pönktónlist geta endurspeglað samfélagslegar aðstæður.