Þróun þjóðsagna í sjónrænum miðlum : frá munnmælum til tölvuleikja

Abstract

Í þessari ritgerð er þjóðsagnaheimur Íslendinga skoðaður út frá tilkomu hans og þróunar í sjónrænum miðlum. Líkt og heimur norrænu goðsagnanna er þjóðsagnaheimurinn ríkur af efnivið sem þó hefur ekki verið nýttur jafn markvisst í miðlum í seinni tíð. Íslenski þjóðsagnarfurinn hefur varðveist í munnmælum, á prenti, í myndlýsingum og nokkrum efnislegum hlutum sem varðveist hafa á söfnum. Í ritgerðinni er rýnt í þessa sjónrænu þætti og jafnframt er skoðað hvernig vissir atburðir í íslensku samfélagi hafa mótað eða haft áhrif á þjóðsögurnar. Einnig er skoðað hvernig þjóðsögur hafa haft áhrif á hegðun fólks eða skynjun þess á umhverfi og þær afleiðingar sem af því spretta. Íslenskir þjóðsagnavættir hafa birst sjónrænt í verkum þekktra íslenska listamanna, eins og í verkum Ásgríms Jónssonar og Halldórs Péturssonar. Nokkur verk úr þeirra smiðju eru tekin sem dæmi. Í framhaldi af því er skoðað hvernig nýrri miðlar nota íslenskar þjóðsögur til hönnunar tölvuleikja, þar sem þjóðsagnararfinn er nýttur og myndheimur hans ýtir þeim aftur inn í sviðsljósið og dægurmenninguna. Niðurstaða ritgerðarinnar er sú að nú séu tækifæri að verða til, til að taka þennan efnivið enn lengra og inn í fleiri sjónræna miðla, líkt og fyrirtækið Parity Games er að gera um mundir með leiknum Island of the Winds. Líklega er sú notkun fyrirtækisins aðeins upphafið af enn markvissari endurnýtingu á þessum áhugaverða efnivið.