Grið (ft. hk.)

Abstract

Birtingarmynd arkitektúrs í samfélaginu er félagslega mótaður. Hann bæði styrkir og endurspeglar viðmót arkitektúrs gagnvart kynjum, þjóðerni og samfélagslegri stöðu. Djúpt í hugsunarhætti arkitektúrs má finna rótgróna kynjun. Skýr mörk milli þess hvað er talið kvenlegt og karllegt. Það má með sanni segja að samfélagið sé byggt á stólpum tvíundarinnar. En hvað ef þú fellur ekki undir tvíundina? Hvað ef þú sem einstaklingur upplifir þig sem vesen og byrði fyrir samfélagið?Þetta er því miður álit margra hinsegin ungmenna verandi hluti af samfélaginu okkar í dag.Verkefnið mitt snýr að þeirri samfélagslegu ábyrgð arkitekta að meðtelja alla í samfélaginu og koma til móts við hinseginleikann á arkitektónískum grundvelli. Hönnun mín byggir á því fordæmi að skapa öruggt rými fyrir hinsegin ungmennin okkar, staðsett á upphafspunkti hinsegin baráttu Íslendinga.