is Íslenska en English

Lokaverkefni (Meistara)

Listaháskóli Íslands > Tónlistardeild / Department of Music > Lokaverkefni / Final projects (MA, M.Mus., M.Mus.Ed.) >

Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/45390

Titill: 
  • „Þú ert að tjá tónlist, þetta er vulnerable dæmi“ : áhrif valdastrúktúra í einkakennslu í tónlist á háskólastigi
Námsstig: 
  • Meistara
Útdráttur: 
  • Markmiðið með þessari rannsókn er að varpa ljósi á birtingarmyndir, hlutverk og beitingu valds innan einkakennslu í hljóðfæra- og söngnámi á háskólastigi. Megináhersla er lögð á að greina hvernig valdastrúktúrar innan einkakennslu geta haft slæm áhrif á nám og líðan nemenda. Rannsóknin fjallar um þá menningu sem ræður ríkjum innan klassískrar tónlistarmenntunar og hvernig hún hefur mótandi áhrif á valdbeitingu og hegðunarmynstur innan einkakennslu. Valdbeiting innan einkakennslu er mjög hulin en í kjölfar þess að umræðan um valdbeitingu hefur orðið opnari síðastliðin ár hafa einstaklingar stigið fram og deilt neikvæðri reynslu sinni af misbeitingu valds í tónlistarmenntunarumhverfi, og hefur orðið vitundarvakning á þessu fræðasviði síðustu ár. Fræðilegt framlag rannsóknarinnar er aukin meðvitund um mikilvægi þess að skilja valdastrúktúra innan tónlistarháskólamenntunar, gera þá sýnilega og ögra þeim. Framlag rannsóknarinnar felst einnig í aukinni þekkingu á þeim vandamálum sem geta fylgt þessu kennslufyrirkomulagi, áhrifum valdastrúktúra í því umhverfi og auknum skilningi á hvernig menning í klassískri tónlistarmenntun hefur áhrif á nám og líðan nemenda. Notast er við eigindlega rannsóknaraðferð. Fræðilegur grunnur verkefnisins byggist á erlendum rannsóknum um hlutverk og stöðu einkakennslu í tónlist en rannsóknin felst í greiningu á viðtölum við sjö einstaklinga sem hafa persónulega reynslu af einkakennslu í tónlist. Niðurstöður leiða í ljós að rótgrónar hefðir í menningu klassískrar tónlistarmenntunar hafa mikil áhrif á valdastrúktúra í einkakennslu í tónlist. Valdamisræmið sem ósjálfrátt skapast innan einkakennsluumhverfis í tónlist gerir nemendur berskjaldaða fyrir valdamisnotkun, og yfirhylmingu valdamisnotkunar. Niðurstöður rannsóknarinnar gefa enn fremur til kynna að nemendur eiga jákvæðar upplifanir af samböndum sínum við einkakennara, þótt ítarlegri skoðun leiði í ljós mörg dæmi um hegðunarmynstur sem hafa neikvæð áhrif á nám og líðan nemenda.

  • Útdráttur er á ensku

    The objective of this study is to shed light on power relations within one-to-one tuition in higher music education. The main focus is to gain understanding of how power relations within one-to-one tuition can have negative impact on students' learning and well-being. The study discusses the culture that dominates classical music education and how it has a formative effect on how power relations operate and affect behavior patterns. Relations of power and hierarchies within one-to-one tuition are largely hidden, but there has been a raise of awareness in this area following public discussions about misuse of power. Individuals have stepped forward and shared their experiences of abuse of power within higher music education. The contribution of this study is increased awareness of the importance of addressing power relations within higher music education, of making them visible and challenging them. Additionally, this study contributes an increased knowledge of the learning environment of one-to-one tuition, the influence of power relations and an increased understanding of how culture in classical music education affects students' learning and well-being. This study uses qualitative research methods. Seven interviews were conducted with current or former students who have personal experience with one-to-one tuition. The theoretical framework of the study derives from recent studies on the status and role of one-to-one tuition in higher music education. The findings of the study suggest that the culture of classical music education has a strong influence on power relations in one-to-one tuition in higher music education. The power disparity that is created within a one-to-one education environment makes students vulnerable to abuse of power, and to the abuse being silenced. Furthermore, the study indicates that students have in large parts positive experiences of their relationships with their private teachers, although the interviews reveal many examples of behavior patterns that affect learning and well-being in a negative way.

Samþykkt: 
  • 20.6.2023
URI: 
  • http://hdl.handle.net/1946/45390


Skrár
Skráarnafn Stærð AðgangurLýsingSkráartegund 
ahrif_valdastruktura_einkakennslu_.pdf467.36 kBOpinnHeildartextiPDFSkoða/Opna