Íslenskunám fjöltyngdra nemenda

Abstract

Ritgerð þessi fjallar um íslenskunám fjöltyngdra nemenda. Til þess að skoða hana verður farið yfir nokkrar íslenskar rannsóknir á fjöltyngdum börnum og rannsóknir frá öðrum löndum um það hvað er gert annars staðar. Einnig verður skoðað hvað þarf að gera fyrir fjöltyngda nemendur sem koma til Íslands og hafa ekki íslensku að móðurmáli, námsefni fyrir þennan hóp og einnig hvernig sé hægt að koma til móts við þá. Niðurstöður úr þessari ritgerð verða svo settar saman í bækling sem dreift verður í grunnskóla landsins og er það ósk okkar að bæklingurinn komi að góðum notum fyrir kennara fjöltyngdra nemenda. Bæklingurinn er ætlaður til að grípa í og skoða hvaða námsefni sé sniðugt og hentugt fyrir fjöltyngda nemendur í kennslu og hvar sé best að byrja.