Að verða 18 ára, hvað þarf að hafa í huga? : upplýsingasíða og bæklingur fyrir ungt fatlað fólk með langvarandi stuðningsþarfir og aðstandendur þeirra

Abstract

Í þessu lokaverkefni verður gerð grein fyrir þeim breytingum sem ungt fatlað fólk með langvarandi stuðningsþarfir og aðstandendur þeirra þurfa að gera ráð fyrir við 18 ára aldur. Lítið er til af heimildum um upplifun ungs fatlaðs fólks á þessum tímamótum og erfitt að finna upplýsingar um það hvernig staða ungmennis breytist við 18 ára aldur. Markmið verkefnisins er meðal annars að bæta aðgengi að upplýsingum og minnka líkur á því að einstaklingar lendi „á milli“ í þjónustukerfum á meðan yfirfærsla úr barnaþjónustu í fullorðins þjónustu stendur yfir. Lokaverkefnið samanstendur annars vegar af rafrænum bækling sem inniheldur stuttar, einfaldar útskýringar á þeim breytingum sem verða varðandi fjármál, menntun, húsnæðis- og heilbrigðismál og hins vegar af heimasíðu sem hefur að geyma meiri upplýsingar og hlekki á helstu stofnanir sem eiga við í þessu samhengi. Verkefninu er fylgt eftir með þessari greinargerð þar sem fjallað er ítarlega um þessi málefni og þau tengd við viðeigandi lög og reglugerðir.