Gríptu boltann! : greinargerð og handbók fyrir leikskólakennara til að styrkja grófhreyfingar barna í gegnum nám og leik

Abstract

Þetta lokaverkefni er til B.Ed.-prófs í leikskólakennarafræðum við Háskóla íslands. Verkefninu er skipt í tvo hluta; greinargerð og handbók. Hugmyndin að verkefninu kom þar sem okkur fannst vanta verkfæri fyrir kennara til að geta aukið hreyfiþroska barna í gegnum daglegt starf á leikskólanum og einnig til virkja foreldra betur í samstarfi. Markmið verkefnisins er að auka skilning á hreyfifærni barna og ýta undir vinnu með grófhreyfifærni þeirra í daglegu starfi í leikskólanum. Við skrifum um fræðilegan bakgrunn varðandi hreyfifærni barna og hvaða leiðir geti þar skilað árangri. Á fyrstu árum barna er byggður grunnur að framtíð þeirra og þess vegna þarf að huga vel að fyrstu árunum og ávallt hafa það að leiðarljósi hvað sé þeim fyrir bestu. Í lok þessarar greinargerðar er handbók samin af okkur sem inniheldur mismunandi leiðir í vinnu með börnum, bæði innan- og utandyra. Handbókin er sér hefti þar sem er að finna margs konar leiki og útfærslur þeirra fyrir kennara, foreldra og/eða aðra aðila sem vinna með börnum.