Lets talk about sex... : kennsluefni í kynfræðslu fyrir nemendur í 10. bekk.

Abstract

Samfélagið í dag hefur kallað eftir því að krafa sé sett á grunnskóla landsins að bjóða upp á heildstæða og góða fræðslu um kynlíf, hinsegin, samskipti og sambönd. Til þess að hægt sé að mæta þessari þörf þarf að vera til námsefni og kennarar þurfa að vera í stakk búnir til að takast á við málefnin sem þetta efni kallar á. Lets talk about sex… er kennsluefni í kynfræðslu á ensku ætlað 10. bekk og tví- eða fjöltyngdum nemendum með betra vald á ensku en íslensku. Útgefið kennsluefni í kynfræðslu í dag er heldur einsleitt, litast af kynjatvíhyggju og fjallar oft aðeins um grunnatriði varðandi kynþroska og getnaðarvarnir. Kennsluefnið Lets talk about sex... skiptist í nemendabók og kennsluleiðbeiningar og er ætlað að fylla upp í þörfina fyrir kennsluefni sem kennir nemendum um mörk, samskipti, heilbrigð og óheilbrigð sambönd og fleira. Kennurum ber skylda að veita nemendum fræðslu um kynfræðslu og er því mikilvægi verkefnisins talsvert.