Vinátta leikskólabarna : samskipti og áskoranir í leik og daglegu starfi

Abstract

Þessi greinargerð fjallar um félagsfærni og samskipti leikskólabarna og af hverju það er mikilvægt að börn fái að takast á við ágreining á leið sinni að auknum þroska og betri samskiptafærni. Hér eru lagðar fram aðferðir fyrir kennara til að efla samskiptaleiðir barna og aðstoða þau við að sjá og leysa vandamál sem geta komið upp í leikskólaumhverfinu. Börn eru ólík og koma frá margbreytilegum heimilum með mismunandi heimamenningu sem byggir á ólíkum gildum. Þegar börn læra á nýtt umhverfi og samskiptareglur er ljóst að upp getur komið ágreiningur milli þeirra og átök geta orðið um leikefni, rými og eignarhald. Í gegnum vináttu fá börn tækifæri til að mynda jákvæð tengsl við jafningja sína og æfa sig í samskiptum um leið og þau læra að þekkja sínar eigin tilfinningar og annarra. Margt af þessu lærist í gegnum leik en kennarar geta einnig haft markviss áhrif á félagsfærni með því að leggja áherslu á samræður, leiki, spil og bóklestur. Hér eru settar saman í eina bók stuttar sögur um áskoranir sem geta komið upp í samskiptum barna á leikskóla og margvíslegar aðferðir fyrir kennara til að vinna markvisst með börnum í átt að aukinni félagsfærni.