„Orðin frjáls fugl“ : eru breytingar á tómstundaiðkun eftir skilnað hjá konum?

Abstract

Verkefni þetta ber titilinn „Orðin frjáls fugl“ og er byggt á fjórum viðtölum við konur sem hafa gengið í gegnum skilnað. Tilgangur verkefnisins er að fá innsýn inn í líf kvenna sem gengið hafa í gegnum skilnað, kannað er hvernig tómstundir þeirra voru fyrir skilnað, á meðan skilnaður er í gangi og eftir skilnað ásamt áhrifum „þriðju vaktarinnar“. Í fræðilegri umfjöllun er farið yfir hugtök tómstundafræðinnar, mikilvægi tómstunda, skilnað og áhrif þess á fólk sem gengur í gegnum skilnað og „þriðju vaktina“. Rannsóknin sjálf er eigindleg rannsókn, tekin voru fjögur viðtöl við konur á aldrinum 48 – 51 árs. Niðurstöður benda til þess að mikil aukning sé á tómstundum hjá konum eftir skilnað, tómstundir hjálpuðu öllum þátttakendum í skilnaðarferlinu, jafnframt kemur í ljós að „þriðja vaktin“ hefur mikil neikvæð áhrif á frítíma og tómstundir hjá konum þar sem auka störf heimilisins voru oftast í þeirra verkahring.Lykilhugtök: Tómstundir, skilnaður, andleg heilsa, þriðja vaktin, frítími.