Til þín kæra foreldri : greinargerð um fræðsluefni sem ætlað er að styrkja foreldra í foreldrahlutverkinu

Abstract

Lokaverkefnið samanstendur af fræðsluefninu Til þín kæra foreldri sem er í formi plaggats með QR kóða og fræðilegri greinargerð. Þegar QR kóðinn er skannaður leiðir hann lesendur yfir í fræðsluefni sem er stutt og hnitmiðað. Í fræðsluefninu er fjallað um að góð samvinna og samskipti foreldra geta minnkað streitu og aukið ánægju í þvi veigamikla hlutverki sem fylgir því að ala upp barn. Sýnt hefur verið fram á mikilvægi öruggra tengsla milli foreldra og barna ásamt ávinningi leiðandi uppeldishátta fyrir farsæla framtíð barna. Markmið fræðsluefnisins er að gera foreldra meðvitaðri og öruggari í uppeldishlutverkinu með því að fjalla um þær grunnhugmyndir sem fylgja foreldrahlutverkinu, parasambandinu, tengslamyndun og uppeldisháttum. Í greinargerðinni verða færð rök fyrir hvers vegna málefnið er mikilvægt og af hverju farið er þá leið að hafa fræðsluna í formi plaggats með QR kóða til að ná til foreldra.