Notkun stærðfræðistígs í kennslu stærðfræði í 10. bekk grunnskóla : greinargerð um stærðfræðiverkefni sem hönnuð voru fyrir útikennslu með aðstoð hugbúnaðarins MathCityMap

Abstract

Greinargerð þessi fjallar um notkun forritsins MathCityMap í stærðfræðikennslu á elsta stigi grunnskóla. Forritið dregur saman hugmyndir um stærðfræðistíg og notkun snjalltækja í kennslu. Fræðilegt samhengi greinargerðarinnar gerir grein fyrir gagnsemi útikennslu, notkun snjalltækja í kennslu og rannsóknum á notkun forritsins. Leitast er svara við spurningunni hvernig má nýta MathCityMap og annan hugbúnað til útikennslu í stærðfræði á elsta stigi. Tilgangur verkefnisins er að kynna fyrir núverandi og verðandi kennurum nýja möguleika í stærðfræðikennslu. Með greinargerðinni fylgir þá fullbúinn stærðfræðistígur innan forritsins MathCityMap sem prófaður hefur verið með nemendum í 10. bekk. Ítarleg umfjöllun um notkun og notagildi forritsins er sömuleiðis viðfangsefni greinargerðarinnar. Niðurstöður sýna að MathCityMap og annar hugbúnaður geti með góðu móti nýst við kennslu á elsta stigi grunnskóla.