Fjárfesting í framtíð barna : þörf fyrir innleiðingu farsældarlaganna miðað við stöðu barna í dag

Abstract

Mikilvægt er að stutt sé við farsæld barna upp á framtíð þeirra sem og fyrir samfélagið í heild sinni. Rannsóknir hafa sýnt að áhrif ýmissa frávika og reynslu barna í æsku geta skert lífsgæði þeirra til framtíðar. Víða virðist brotalöm í þjónustu við íslensk börn en nú hafa verið settar af stað breytingar á henni með innleiðingu laga um samþættingu þjónustu í þágu farsældar barna. Markmið þessarar ritgerðar er að skoða hvar þörfin liggur fyrir þeim umbótum sem farsældarlögin kveða á um. Rýnt er í þörfina fyrir innleiðingu farsældarlaganna miðað við stöðu í málefnum velferðar barna í dag með því að skoða fyrirliggjandi gögn um stöðu barna og ungmenna í dag ásamt ákvæðum farsældarlaganna. Niðurstöður benda til þess að með hrakandi námsframmistöðu og andlegri líðan barna og ungmenna ásamt fjölgun á óviðunandi fjölskylduaðstæðum barna geti hin nýju lög og þjónustan sem þau kveða á um verið ný umgjörð um þau úrræði sem þörf er á að styrkja. Þó er ekki hægt að fullyrða um það hvort að markmið laganna nái fram að ganga þar sem innleiðing laganna er enn á frumstigi. Ljóst er að þörf er á frekari rannsóknum þegar innleiðing og framkvæmd laganna hefur náð fram að ganga.