is Íslenska en English

Lokaverkefni (Meistara)

Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/45718

Titill: 
  • Orsakir svefntruflana á gjörgæslu og aðferðir til að bæta svefn sjúklinga: Samþætt fræðileg samantekt
  • Titill er á ensku Causes of sleep disturbances in the intensive care unit and methods to improve patients’ sleep: An integrative review
Námsstig: 
  • Meistara
Útdráttur: 
  • Bakgrunnur: Svefn gjörgæslusjúklinga er ólíkur hefðbundnum svefni, hann er oft brotakenndur og sjúklingar upplifa svefnleysi. Rannsóknir hafa sýnt að þessar svefntruflanir gjörgæslusjúklinga geta aukið líkur á óráði og hækkað dánartíðni. Mikilvægt er að greina hvað veldur svefntruflunum gjörgæslusjúklinga svo hægt sé að bæta svefngæði þeirra og stuðla að bættri líðan.
    Tilgangur: Að skoða niðurstöður nýlegra rannsókna um orsakir svefntruflana gjörgæslusjúklinga og aðferðir sem hjúkrunarfræðingar geta beitt til að lágmarka svefntruflanir. Leitast verður við að svara rannsóknarspurningunum „Hvað veldur svefntruflunum fullorðinna gjörgæslusjúklinga á gjörgæsludeild?“ og „Hvaða aðferðum er hægt að beita til að bæta svefn fullorðinna gjörgæslusjúklinga á gjörgæsludeild?“ og setja fram tillögur að aðferðum sem hjúkrunarfræðingar geta beitt til að lágmarka svefntruflanir gjörgæslusjúklinga.
    Aðferð: Notast var við aðferðafræði samþættra fræðilegra samantekta (e. integrative review). Leit að greinum fór fram í PubMed, Scopus og Web of Science sem birtar voru árin 2018 til 2023. Gæði rannsóknanna voru metin með gæðaviðmiðum frá Joanna Briggs stofnuninni og notast við „matrix“ töflu til að lýsa og samþætta niðurstöður þeirra.
    Niðurstöður: Fjórtán rannsóknir stóðust inntökuskilyrði samantektarinnar. Helstu orsakir svefntruflana á gjörgæslu voru hávaði, lýsing, líðan og inngrip og/eða íhlutir. Aðferðir til að bæta svefn gjörgæslusjúklinga skiptust í flokkana aðferðir sem draga úr áhrifum hávaða á svefn, aðferðir sem draga úr áhrifum lýsingar á svefn, aðferðir sem draga úr áhrifum vanlíðanar á svefn og margþættar aðferðir sem draga úr áhrifum umhverfisáreitis á svefn. Niðurstöður sýndu að með því að draga úr samtölum starfsfólks, líkja eftir dægursveiflu birtu með lýsingu, bregðast við kvíða sjúklinga og takmarka meðferðartengd inngrip yfir nótt mátti draga úr svefntruflunum gjörgæslusjúklinga.
    Ályktun: Orsakir svefntruflana gjörgæslusjúklinga eru margþættar og persónubundnar. Hjúkrunarfræðingar þurfa því að nýta margþættar og einstaklingsbundnar aðferðir til að draga úr þeim. Í verkefninu er gert greint fyrir aðferðum sem starfsfólk gjörgæslna getur nýtt sér til að stuðla að bættum svefni gjörgæslusjúklinga.
    Lykilorð: Svefntruflanir, gjörgæslusjúklingar, umhverfisáreiti, hjúkrun, einstaklingsbundin meðferð

  • Útdráttur er á ensku

    Background: The sleep of intensive care patients is different from normal sleep, it is often fragmented and patients experience sleeplessness. Research has shown that these sleep disturbances can increase the odds of delirium and increased mortality. It is important to distinguish what causes sleep disturbances for intensive care unit patients to be able to improve their sleep quality and promote their wellbeing.
    Purpose: To review recent research about causes of sleep disturbances for intensive care patients and methods that nurses can use to limit their effects. The research questions that are discussed in the thesis are “What causes sleep disturbances in adult intensive care patients while they are in intensive care?” and “What methods can be used to improve sleep in adult intensive care patients while they are in intensive care?” and put forward suggestions of methods nurses can use to minimize sleep disturbances in intensive care patients.
    Method: The methodology of integrative review was used. PubMed, Scopus and Web of Science were used to look for articles published in the years 2018 to 2023. The quality of the research was assessed with quality standards from the Joanna Briggs institute and a “matrix” table was used to describe and integrate their results.
    Results: Fourteen research qualified for inclusion in the review. The main causes of sleep disturbances in the intensive care unit were noise, light, feelings and interventions and/or indwelling devices. Methods that can be used to improve sleep quality of intensive care patients were divided into the categories of methods that decrease the effects of noise on sleep, methods that decrease the effects of light on sleep, methods that decrease the effect of distress on sleep and multifaceted methods that decrease the effects of environmental stimuli on sleep. The results showed that by decreasing staff conversations, simulating the circadian rhythm with light, responding to patients’ anxiety and limiting interventions overnight it was possible to decrease intensive care patients sleep disturbances.
    Conclusion: The causes of sleep disturbances of intensive care patients are multifaceted and vary between patients. Thus, nurses need to use multifaceted and personalized methods to decrease sleep disturbances. This review highlights methods that intensive care personnel can use to promote better sleep for intensive care patients.
    Keywords: Sleep disturbances, intensive care patients, environmental stimuli, nursing, personalized care

Samþykkt: 
  • 5.9.2023
URI: 
  • http://hdl.handle.net/1946/45718


Skrár
Skráarnafn Stærð AðgangurLýsingSkráartegund 
Orsakir svefntruflana á gjörgæslu og aðferðir til að bæta svefn sjúklinga.pdf1.85 MBLokaður til...01.10.2024HeildartextiPDF
Skemman yfirlysing.pdf67.41 kBLokaðurYfirlýsingPDF