Að njóta eða neyta: Menningarnám í valdaskiptu samfélagi

Abstract

Markmið þessa verkefnis er að gera grein fyrir menningarnámi og þeim skaða sem kann að verða af því. Í kenningalegum kafla ritgerðarinnar er fjallað um hlutverk og túlkanir menningar hugtaksins innan mannfræðinnar. Einnig er snert á femíniskum nálgunum og kenningum um vald og valdasamspil. Því næst er farið yfir sögulegar forsendur menningarnáms og stoðir þess í kynþáttahyggju, með tilliti til heimsvalda- og nýlendustefnu Evrópu. Í umfjöllun um menningarnám er einnig fjallað um hugtök því tengdu; menningardám og menningaraðlögun. Hvort tveggja eru þetta hugtök sem mikilvægt er að gera grein fyrir svo hægt sé að fjalla um menningarnám á heildrænan hátt. Í kjölfar þeirrar umfjöllunar kemur til nýlegt hugtak, menningarstuldur sem gæti mögulega leyst hugtökin menningarnám og -dám af hólmi.Að endingu er rætt um mikilvægi þess að horfast í augu við það kerfi sem menningarnám þrífst innan, svo hægt sé að virða allar menningar að verðleikum.