„Þekking sem þarf að koma með inn í skólann, svona markaðsþekking“. Viðhorf skólameistara framhaldsskóla til markaðssetningar

Abstract

Í íslensku skólakerfi er áhersla lögð á að menntun sé fyrir alla en talsverð umræða hefur verið um brottfall nemenda úr íslenskum framhaldsskólum og þá aðallega brottfall drengja. Ástæður benda til þess að framhaldsskólarnir eru ekki að standa undir væntingum og er þörf á nauðsynlegum úrbótum ef snúa á við þessari þróun. Tilgangurinn með þessari rannsókn er að kanna skilning, viðhorf og upplifun skólameistara í íslenskum framhaldsskólum til markaðssetningar skóla en leitast er við að kanna hvaða möguleikar og áskoranir eru til staðar þegar það kemur að markaðssetningu. Rýnt er í fræðin og kenningar á sviði markaðssetningar almennt, markaðssetningar menntunar og skóla. Jafnframt er fjallað um skólameistara í hlutverki markaðssetningar skóla og það borið saman við reynslu viðmælenda. Rannsóknin er unnin samkvæmt eigindlegum rannsóknaraðferðum. Helstu niðurstöður gefa til kynna að flestir skólar eru að nýta sér ýmis markaðstól til að markaðssetja skólana en eru ekki markvisst að greina þarfir og langanir viðskiptavina með tilliti til markaðsfræðilegrar hugmyndafræði. Einnig sýna niðurstöður að flestir viðmælendur telja að markaðssetning skóla sé mikilvægur liður og leggja áherslu á kynningarstarfsemi eins og opna daga og eða grunnskólakynningar. Fáar vísindalegar rannsóknir hafa fengist við markaðssetningu skóla í heiminum og hér á landi eftir því sem höfundur best veit. Rannsóknin bætir því við nýja þekkingu á sviði markaðssetningu skóla og er hún því mikilvægt innlegg inn á sviðið. Lykilorð: markaðssetning, markaðssetning menntastofnanna, markaðssetning skóla, skólameistari, brottfall og staða drengja í íslensku framhaldsskólakerfi.