,,Þetta lendir oft á konunni''. Upplifun kvenkyns fjármálastjórnenda á íslenskum atvinnumarkaði.

Abstract

Konum er að fjölga í stjórnendastöðum bæði hér á landi og erlendis. Þrátt fyrir það eru þær ennþá í miklum minnihluta stjórnenda og þurfa að mæta ýmsum hindrunum sem koma í veg fyrir að þær blómstri og nái framgangi í starfi. Markmið ritgerðarinnar var að fá innsýn inn í heim kvenkyns fjármálastjóra á Íslandi og skoða hvort að þær hafa upplifað hindranir á starfsferlinum sínum. Jafnframt hvort að hindranirnar séu ennþá þær sömu og hversu mikil áhrif þær vega á starfsferil þeirra. Framkvæmd var eigindleg rannsókn sem lögð var fyrir fimm kvenkyns fjármálastjórnendur. Niðurstöður benda til þess að viðmælendur rannsóknarinnar höfðu allar upplifað einhvers konar fordóma og útilokun á starfsferli sínum. Þær upplifa kynjamismunun frá karlmönnum því þær vinna í karllægu umhverfi og eru í stjórnendastöðu.Niðurstöðurnar benda til þess að konur mæta ennþá í dag kynjamismunun og mótlæti, en að konur séu betri í að takast á við fordóma og hafa byggt upp sterkt sjálfstraust sem hjálpar þeim að takast á við slíkt.