Hvað verður um Freyju? Þróun kvenpersónu í bókaflokki Yrsu Sigurðardóttur

Abstract

Í ritgerðinni er bókaflokkur Yrsu Sigurðardóttur greindur sem telur bækurnar DNA, Sogið, Aflausn, Gatið, Brúðan og Þögn og sérstaklega litið til þróunar aðalkvenpersónurnar, Freyju. Verkin eru skoðuð með hliðsjón af norrænu glæpasagnaformúlunni sem Sjöwall og Wahlöö lögðu grunninn að, en þar sem Yrsa færir sér í nyt einkenni úr norrænu glæpasögunni og hrollvekjunni í bókum sínum er einnig sótt í femíníska greiningu Carol Clover og Barböru Creed á kvenpersónum hrollvekjunnar. Jafnframt er stuðst við skrif Kerstin Bergman sem sem greinir hrifningu lesandans á norrænu glæpasögunni.