Greining á kassakerfisgögnum við Hagstofu Íslands. Er hægt að draga úr sóun í ferli kassakerfisgagna við útreikning á vísitölu neysluverðs?

Abstract

Ritgerðin fjallar um greiningu á flæði skannaganga fyrir útreikninga á vísitölu neysluverðs (VNV). Greiningin getur verið grunnur að framtíðarrannsóknum á þessu sviði sem miða að því að nýta reikniaðferðina til að auka sjálfvirkni og bæta gagnaöflun og gagnavinnslu á slíkum útreikningum. Með nýrri reikniaðferð fyrir VNV og notkun skannagagna í þeim tilgangi má mögulega nýta gögnin fyrir útreikning og greiningar fyrir aðrar verðvísitölur hjá Hagstofu Íslands. Eins má nýta rannsóknina sem grunn að nýrri stefnu, skjölun, stöðlun og flæði skannagagna innan Hagstofu Íslands og búa til stuðning fyrir áframhaldandi nýtingu gagnanna. Niðurstöður sýndu að skannagögnin eru vannýtt. Mikil tækifæri felast í því að staðla ferla og strúktúra gögnin betur. Setja upp staðlaðar nafnavenjur (e. lint) og til staðar þarf stöðug vinnsla að eiga sér stað í þróunarumhverfi til að hægt sé að viðhalda kerfinu og bæta það. Gagnasöfnun þarf að vera lengri til að fá lengri sögu svo gögnin nýtist til að gera góð gervigreindarlíkön. Samningagerð við gagnaveitendur um lengri nýtingu gagna og gögn frá fleiri búðum svo hægt sé að reikna rauntíma vogir beint úr gögnunum. Við notkun á slíkum rauntíma vogum er mikilvægt að þýðið sé nógu stórt. Þá væri hægt að framkvæma framhaldsrannsóknir á nýrri aðferðafræði við útreiking á vísitölu neysluverðs með skannagögnum t.d. margvíðar afburðavísitöluaðferðir.