Please use this identifier to cite or link to this item: http://hdl.handle.net/1946/4583
Miklar breytingar hafa átt sér stað í íslensku efnahagslífi frá bankahruninu árið 2008. Íslensk fyrirtæki í flestum atvinnugreinum finna að öllum líkindum fyrir þessum breyttu aðstæðum og þá sérstaklega þau er starfa við innflutning. Verðbólga hefur verið há á Íslandi síðustu ár og hefur verðlag verið hærra á íslenskum dagvörumarkaði en verð á dagvörumörkuðum samanburðarlanda. Verðlag innfluttra vara hefur hækkað til muna í kjölfar kreppu sem hefur leitt til þess að neytendahegðun almennings hefur breyst. Gengisbreytingar skila sér ekki beint út í almennt verðlag ef litið er til skemmri tíma, en hinsvegar skila þær sér hraðar í innflutningsverð en neysluverð. Aðferðin sem notuð er við rannsóknina er í senn eigindleg og meigindleg. Lagt var upp með að skýra lykilhugtök sem viðkoma hinum íslenska markaði og hvernig verðlagningu er háttað á Íslandi. Til þess að dýpka skilning á viðfangsefninu var stuðst við eigindlegar heimildir sem aflað var með djúpviðtölum við sölu- og innkaupastjóra íslenskra innflutningsfyrirtækja. Ritgerðin skýrir markaðsaðstæður í litlum hagkerfum eins þeim íslenska og hvernig áhrif kreppa hefur á verðmyndun. Verðlagning innflutningsfyrirtækja hefur tekið ákveðnum breytingum. Hækkun fjármagnskostnaðar, stað- og fyrirframgreiðslur pantana, aukinn og aukin fjárbinding í birgðum gera það að verkum að álagning hefur aukist á dagvörum. Fyrirtæki eru meira á varðbergi varðandi gengisþróun og endurskoða verð sín oftar en áður. Þetta hefur í för með sér að verðbreytingar eru tíðari en fyrir bankahrun. Gengisleki í innflutningsverð hefur því að öllum líkindum aukist í kjölfar veikingar krónunnar
Filename | Size | Visibility | Description | Format | |
---|---|---|---|---|---|
isak_gunnarsson.pdf | 1.94 MB | Locked | Heildartexti |