Innleiðing blágrænna ofanvatnslausna í miðbæ Reykjavíkur

Abstract

Í verkefninu er gefin innsýn inn í sögu fráveitukerfis í miðbæ Reykjavíkur og greint frá þróun þess og uppbyggingu. Núverandi kerfi í miðbæ Reykjavíkur er blandað fráveitukerfi og reynslan hefur sýnt fram á að regnvatnstoppar valda álagi sem kerfið ræður ekki við. Núverandi áherslur í fráveitumálum eru að aðskilja regnvatn frá blandlögnum og minnka álagið á kerfið. Með nýju regnvatskerfi skapast tækifæri til þess að samþætta blágrænum ofanvatnslausnum í borgarumhverfið með betri meðhöndlun á regnvatni. Í þessu verkefni eru leiðir skoðaðar til þess að innleiða blágrænar ofanvatnslausnir í miðbæ Reykjavíkur. Skoðað verður hvernig þær virka í eldri þéttri byggð.