Vinnustaðamenning og skapandi verkefnastjórn; Mikilvægi skapandi forystu í nútíma stjórnarháttum

Abstract

Skapandi forysta er ekki bara tískuhugtak sem stjórnendur geta notað til að fegra ímynd sína heldur aðferðafræði sem sífellt aukin krafa er gerð um að sé beitt. Í þessari greinargerð er kafað í kjarna skapandi forystu og nauðsyn hennar í ljósi sívaxandi væntinga starfsfólks og áhrifum hennar á mótun heilbrigðrar vinnustaðamenningar.Stjórnendur verða að bregðast við breyttum tímum og setja mannauðsmál í forgang. Með því að beita skapandi stjórnarháttum eiga þeir auðveldara með að hlúa að og styrkja vinnustaðamenninguna, efla samheldi teyma og auka starfsánægju sem í kjölfarið gefur af sér aukin afköst og minni starfsmannaveltu. Áhersla greinargerðarinnar liggur á sviði mannauðstjórnunar og hvernig þessi aðferðafræði getur stutt við heilbrigða vinnustaðamenningu, starfsánægju og afköst.Niðurstöður gera grein fyrir mikilvægi þessarar nálgunar og jákvæð áhrif hennar á teymi. Samhliða greinargerðinni voru unnar kennsluleiðbeiningar fyrir 10e áfanga á framhaldsstigi í skapandi forystu. Áfanginn byggir á innihaldi greinargerðarinnar og hana má finna á PDF formi.