Áhrif afslátta á kauphegðun

Abstract

Í daglegu lífi er mikið reynt að hafa áhrif á kauphegðun neytenda með allskyns auglýsingum svo sem auglýsingabæklingum, auglýsingum í tímaritum, sjónvarpi og útvarpi svo eitthvað sé nefnt. Verslunareigendur reyna að ná til sín viðskiptavinum með alls konar áhugaverðum tilboðum og afsláttum.Skýrsluhöfundur vildi kynna sér hvort afslættir hefðu áhrif á kauphegðun og þá hvort verðlagning sé í jafnvægi við skynjað virði neytenda. Gögnum var safnað úr bókum, greinum og af veraldarvefnum. Eftir gagnasöfnunina var frumheimildum safnað. Sú rannsóknaraðferð sem varð fyrir valinu var markaðsrannsókn í formi spurningalista. Spurningalistinn var sendur út í tölvupósti.Markmið rannsóknarinnar sem slíkrar er að þekkja betur kauphegðun neytenda. Niðurstaða skýrslunnar sýnir að afslættir hafa lítil áhrif á kauphegðun neytenda. Neytendur eru almennt á varðbergi gagnvart afsláttarvörum og virðast neytendur ekki leggja sig sérstaklega mikið fram við að finna út hvar þeir geta fengið sem mestan afslátt.