Er sú bjarta mynd sem dregin er upp af íslenska lífeyriskerfinu raunhæf?

Abstract

Lífeyriskerfi eru eins fjölbreytt og þau eru mörg og brenna á vörum ófárra, fólk hefur sínar skoðanir og ýmsar hugmyndir um hvernig gera má betur. Markmið þessa rannsóknarverkefnis er að leggja mat á þann framúrskarandi árangur íslenska lífeyriskerfisins í alþjóðlegum samanburði. Lífeyriskerfin í Danmörku, Finnlandi, Hollandi og Svíþjóð eru skoðuð og borin saman. Í þessari rannsókn var tveimur aðferðum beitt til að svara rannsóknarspurningunum. Fyrri aðferðin byggir á fyrirliggjandi gögnum og seinni aðferðin á eigindlegum hálfstöðluðum viðtölum. Helstu niðurstöður benda til þess að íslenska lífeyriskerfið sé samanburðarhæft við eftirlaunakerfi annarra landa sem tekin voru fyrir í rannsókninni og að skyldusparnaður sé skynsamlegur, sé honum beitt á réttan hátt. Hækkandi lífaldur og eldra lagaumhverfi setja mark sitt á lífeyrisskuldbindingar lífeyrissjóða. Á heildina litið veitir þessi ritgerð verðmæta innsýn í íslenska lífeyriskerfið og umframárangur þess í alþjóðlegu samhengi. Hún leiðir meðal annars í ljós að hægt sé að draga lærdóm af lífeyriskerfum annarra landa og þar með bæta þau, jafnvel þótt þau séu talin framúrskarandi á alþjóðavísu.Lykilorð: Lífeyriskerfi, lífeyrissjóðir, fjárfestingar, tekjudreifing