Hvert er viðhorf stjórnarmanna björgunarsveita gagnvart sérhæfðu stjórnarnámskeiði?

Abstract

Tilgangur þessa verkefnis er að fjalla um rannsókn sem var framkvæmd til að kanna áhuga og viðhorf stjórnarmanna björgunarsveita til námskeiðs sem væri sérhannað með þarfir þeirra í huga. Rannsóknarspurningin sem leitast var við að svara er: Hvert er viðhorf stjórnarmanna björgunarsveita gagnvart sérhæfðu stjórnarnámskeiði? Í rannsókninni var bæði stuðst við megindlegar og eigindlegar rannsóknaraðferðir, þar sem spurningakönnun var send á stjórnir björgunarsveita í tölvupósti og henni dreift á samfélagsmiðlinum Facebook ásamt því að viðtöl voru tekin við tvo einstaklinga sem hafa þekkingu og reynslu af viðfangsefninu. Í fræðilegum bakgrunni verkefnisins er meðal annars fjallað um sögu Slysavarnafélagsins Landsbjargar, stjórnskipulag félagsins og aðildareininga þess. Þá er almenn umfjöllun um sjálfboðastörf, muninn á launuðu starfsfólki og sjálfboðaliðum, hlutverk leiðtoga í sjálfboðastarfi ásamt fleiru. Niðurstöður rannsóknarinnar gefa til kynna að viðhorf stjórnarfólks gagnvart sérhæfðu námskeiði sé jákvætt. Svör þátttakenda gefa til kynna víðtæka viðurkenningu á hugsanlegum ávinningi af námskeiðinu.

The purpose of this research is to discuss a study that was carried out to investigate the interest and attitudes of members of boards within Icelandic rescue teams towards a course that would be specially designed with their needs in mind. The research question that was sought to be answered is: What is the position of board members of rescue teams towards a specialized board course? The research is based on both quantitative and qualitative research methods, where a questionnaire was sent to the boards of rescue teams by e-mail and distributed on Facebook and interviews were conducted with two interviewees who have knowledge and experience on the subject. The academic background of the project covers, among other things, the history of Slysavarnafélagið Landsbjörg (Icelandic search and rescue association), the organization of the association and the association's member units. There is also a general discussion of volunteering, the difference between paid staff and volunteers and the role of leaders in volunteering, among others. The results of the study indicate that the attitude of board members towards a specialized course is positive, participant responses indicate widespread recognition of the potential benefits of the course.