Vægi lögskýringargagna við túlkun íþyngjandi lagaákvæða

Abstract

Við túlkun lagaákvæða sem íþyngja borgurunum eða leggja á þá byrðar með einum eða öðrum hætti, verður að gæta sérstakrar varkárni við að ljá upplýsingum úr lögskýringargögnum mikið vægi borgurunum í óhag. Hins vegar verður að hafa í huga að séu lögskýringargögn borgara í hag hafa þau meira vægi en ella. Ætíð verður þó að gæta að heildarmati á samhengi lagaákvæðis við túlkun, s.s. með tilliti til lögskýringargagna, um leið og teknar eru inn í myndina þær grunnröksemdir sem liggja að baki réttarríkinu um skýrleika laganna og fyrirsjáanleika.