Leyfið börnunum að koma til mín. Barnaguðfræði þjóðkirkjunnar 2023-2024

Abstract

ÁgripÞessi ritgerð er lokaverkefni til BA-prófs í guðfræði við Guðfræði- og trúarbragðafræðideild Háskóla Íslands. Hver er sá Guð sem boðaður er börnum í barnastarfi og sunnudagaskólum þjóðkirkjunnar nú um stundir? Hvað er Guð? Hvar er Guð? Guðsmyndir fólks skapast með ýmsu móti og geta verið í stöðugri mótun frá vöggu til grafar. Markmiðið er að bera kensl á guðsmyndir barna eins og þær birtast í söngvum og fræðsluefni fyrir börn í barnastarfi þjóðkirkjunnar 2023-2024 og skoða þær í femínísku/kynjafræðilegu og vistguðfræðilegu ljósi. Hins vegar að fjalla um hugtakið barnaguðfræði (e. Child Theology) ásamt því að gera grein fyrir helstu hugtökum er koma við sögu innan vistguðfræðinnar. Þar ber að nefna kristna guðsmynd, mannskilning, heimsmynd og kristna siðfræði. Tilgangurinn er sá að kanna hvort hin femíníska gagnrýni undanfarinna ára á kristnar guðsmyndir í tengslum við umhverfissiðfræði og vistguðfræði hafi skilað sér út í söngva og efnisval.