Frá gufuvél til gervigreindar: Skapandi gervigreind sem ný alhliða tækni

Abstract

Skapandi gervigreind er tækniframför sem opnar nýja möguleika á ýmsum sviðum, þar á meðal í textagerð, myndum og tónlist. Þessi ritgerð fjallar um skapandi gervigreind út frá eiginleikum alhliða tækni, byggt á greiningu Bekar, Carlaw og Lipsey, sem tilgreina sex lykileinkenni alhliða tækni: samhæfni við tækniklasa sem skilgreinir og styður hana, samhæfni við tækniklasa sem hún gerir kleift að vera til, samhæfni við tækniklasa sem inniheldur samfélaglega, pólitískt og efnahagslega umbreytandi tækni, engin náin staðgöngutækni, fjölbreytt notagildi og þróun frá grófu formi til flóknara. Ritgerðin lýsir fyrst hugtakinu „alhliða tækni“ og þeim sex einkennum sem hún hefur. Greining er gerð á almennt viðurkenndum dæmum um alhliða tækni, eins og gufuvélinni, rafmagni og internetinu og síðan er skoðað hvort skapandi gervigreind hafi sömu einkenni. Niðurstaða ritgerðarinnar sýnir að skapandi gervigreind uppfyllir að miklu leyti einkenni alhliða tækni og hefur möguleika á að breyta margvíslegum geirum mannlegrar starfsemi með byltingarkenndum hætti.