is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/47015

Titill: 
  • "Er ekki brjálað að gera?" Álagsmenning og stytting vinnuvikunnar
Námsstig: 
  • Bakkalár
Efnisorð: 
Útdráttur: 
  • Ritgerðin ,,Er ekki brjálað að gera?" Álagsmenning og stytting vinnuvikunnar" fjallar um þróun vinnutíma á Íslandi og hvernig stytting vinnuvikunnar hefur áhrif á vinnuálag, vellíðan og heilsu launafólks. Skoðað verður styttingu vinnuvikunnar út frá sögulegu sjónarhorni með það markmið að kanna áhrif hennar á íslenskan vinnumarkað og hvort hún dragi úr álagsmenningu. Rannsóknarspurningin sem leitast er við að svara er: Álagsmenning á íslenskum vinnumarkaði; Hvernig hefur stytting vinnuvikunnar mætt henni og hvers vegna er hún mikilvæg til að draga úr streitu og álagi? Til að svara þessu er farið yfir þróun vinnutíma á Íslandi og nýjar rannsóknir um álag tengt vinnu. Ritgerðin lýsir sögu vinnuvikunnar á Íslandi frá 19. öld til dagsins í dag og hvernig tilraunaverkefni Reykjavíkurborgar, með innleiðingu styttingu vinnuvikunnar sýni jákvæð áhrif á vellíðan starfsfólks og jafnvægi milli vinnu og einkalífs. Ritgerðin skoðar einnig Hið gullna jafnvægi, samstarfsverkefni Reykjavíkurborgar og Gallup, sem sýndi fram á mikilvægi sveigjanleika í vinnu og hvernig það getur bætt lífsgæði starfsfólks. VIRK, starfsendurhæfingarsjóður, tekur einnig þátt í að vinna gegn álagsmenningu með forvarnarverkefninu ,,Er brjálað að gera?", sem undirstrikar þörfina á heilbrigðu vinnuumhverfi. Þrátt fyrir jákvæð áhrif styttingar vinnuvikunnar komu fram áskoranir, sérstaklega í upphafi. Verkefnið sýndi að aukin yfirvinna getur verið hluti af áskorununum og mikilvægt er að hafa vel skipulagðar aðgerðaáætlanir til að takast á við breytingarnar. Sú ályktun er dregin að stytting vinnuvikunnar sé jákvæð aðgerð til að draga úr álagi og vinnutengdri streitu og leggur til frekari rannsóknir til að kanna langtímaáhrif hennar á vinnumarkaðinn og samfélagið í heild. Einnig er mikilvægt að stjórnvöld og atvinnulífið vinni saman að því að stuðla að breytingum sem leiða til heilbrigðari vinnustaðamenningar, þar sem áherslan er lögð á velferð starfsfólks sem lykilþátt í velgengni fyrirtækja og stofnana.
    Niðurstaða ritgerðarinnar bendir til þess að stytting vinnuvikunnar hafi jákvæð áhrif á starfsfólk og að það geti leitt til betri heilsu, aukinnar starfsánægju og framleiðni. Tilraunaverkefni Reykjavíkurborgar sýnir einnig að stytting vinnuvikunnar getur haft jákvæð áhrif án þess að draga úr afköstum.

Samþykkt: 
  • 13.5.2024
URI: 
  • http://hdl.handle.net/1946/47015


Skrár
Skráarnafn Stærð AðgangurLýsingSkráartegund 
Briet Barddal - ,,Er ekki brjalad að gera? - BS - lokaverkefni.pdf855.55 kBLokaður til...15.06.2024HeildartextiPDF
Skemman_yfirlysing.pdf156.02 kBLokaðurYfirlýsingPDF
Scan.pdf68.72 kBLokaðurYfirlýsingPDF