Fótamein hjá einstaklingum með sykursýki: Hjúkrunargreiningar og -meðferðir samkvæmt ICNP

Abstract

Bakgrunnur: Fótamein eru meðal alvarlegustu og flóknustu langvinnu fylgikvilla sykursýki og geta haft veruleg áhrif á lífsgæði einstaklinga. Meingerð fótameina er bæði margþætt og snúin og getur meðal annars skert blóðflæði, valdið taugaskemmdum og gert húðina viðkvæma fyrir sýkingum. Meðferð fótameina krefst þverfaglegrar nálgunar, þar á meðal reglulegs eftirlits og sérhæfðrar umönnunar til að koma í veg fyrir fylgikvilla sem í verstu tilfellum geta leitt til aflimana. Hjúkrunarfræðingar gegna lykilhlutverki í meðferð og eftirliti fótameina hjá einstaklingum með sykursýki þar sem þeir sjá um daglega sárameðferð, fræðslu til sjúklinga og eftirlit með bataferli. ICNP (International Classification of Nursing Practice) er flokkunarkerfi sem býður upp á staðlaða skráningu á hjúkrunargreiningum og -meðferðum sem auðveldar skilvirka meðferð og framvindu. Með notkun ICNP er hægt að fylgjast með meðferðum á kerfisbundinn hátt og bæta útkomu einstaklinga. Tilgangur: Að greina helstu hjúkrunarþarfir og -meðferðir einstaklinga með fótamein af völdum sykursýki og kanna hvernig hugtök ICNP flokkunarkerfisins ná utan um þær hjúkrunargreiningar og -meðferðir sem greindar voru.Aðferð: Gerð var fræðileg samantekt á fótameinum vegna sykursýki og úr henni greind hugtök sem lýsa hjúkrunarmati, -greiningum og -meðferðum fótameina hjá einstaklingum með sykursýki. Hugtökin voru metin og tengd við staðlaða flokkun ICNP til að kanna hversu vel hjúkrunargreiningarnar og -meðferðirnar samræmdust kerfinu. Vörpun orða/hugtaka yfir í ICNP var flokkuð og skipt í fjögur stig eftir því hversu nákvæm samsvörun orða/hugtaka við ICNP var.Niðurstöður: Samtals voru myndaðir sex efnisþættir og út frá þeim myndaðar 35 hjúkrunargreiningar og 43 hjúkrunarmeðferðir. Af hjúkrunargreiningum var fullkomin vörpun 40,0% (n=14) og af hjúkrunarmeðferðum 23,3% (n=10). Ályktun: Hugtökin í ICNP ná yfir ástand einstaklinga með fótamein af völdum sykursýki og geta bætt hjúkrunaráætlanir. Með því að innleiða staðlaða hjúkrunarskráningu í heildstæða umönnun einstaklinga með sykursýki eykst möguleikinn á að bæta fræðslu, fyrirbyggja fylgikvilla og auka heilsufarslegan árangur. Lykilorð: Sykursýki, fótamein af völdum sykursýki, hjúkrun, hjúkrunargreiningar, hjúkrunarmeðferðir, hjúkrunarskráning, faraldsfræði, ICNP.

Background: Foot ulcers are among the most severe and complex chronic complications of diabetes that can significantly affect the quality of life of individuals. The pathogenesis of foot ulcers is both multifaceted and complicated and can impair blood flow, cause nerve damage, and make the skin sensitive to infections. Interventions of foot ulcers require a multidisciplinary approach including regular monitoring and specialized care to prevent complications that in the worst cases can lead to amputations. Nurses play a key role in the intervention and monitoring of individuals with diabetic foot ulcers as they manage daily wound care, patient education, and monitoring of the recovery process. ICNP is a classification system that offers standardized nursing diagnoses and nursing interventions which facilitate effective interventions and progress of wounds. With ICNP, it is possible to systematically monitor interventions and improve outcomes.Objective: To identify the main nursing diagnoses and interventions of patients with diabetic foot ulcers, and examine how well the identified nursing diagnosis and interventions corresponded to the ICNP classification system.Method: An integrative review of foot ulcers due to diabetes was performed and concepts on nursing assessment, diagnoses, and interventions of foot ulcers in individuals with diabetes analyzed. Concepts were assessed and linked to the standardized ICNP classification system to explore how well nursing diagnoses and interventions align with the system. In the process of mapping words/concepts into ICNP, the classification was divided into four levels based on how precise the correspondence of the words/concepts with ICNP was.Results: In total, six components were formed, and from them, 35 nursing diagnoses and 43 nursing interventions were created. The results of mapping the concepts into ICNP showed that of the nursing diagnoses, 40,0% (n=14) had a perfect mapping, and of the nursing interventions, 23,3% (n=10).Conclusion: The concepts in the ICNP cover describing the condition of individuals with diabetic foot ulcers and can improve nursing care plans. By implementing standardized nursing records in the comprehensive care of individuals with diabetes, the potential to improve education, prevent complications, and enhance health outcomes increases.Keywords: Diabetes, diabetic foot ulcers, nursing, nursing diagnosis, nursing interventions, epidemiology, ICNP.